كولشي باغي يهاجر ولكن...
كولشي باغي يهاجر وكلشي باغي يبدل الحالة المعيشية الصعبة ولكن واش عارف فين غادي بعدا ! مبقاتش فديك الخطابات الحماسية ديال الهربة الهربة ونتى راسك خاوي مفيه والو من غير حليوة والبارسا والتحسينة ديال الصلاكط والعقلية ديال التيرانات .. هذشي معندو باش ينفعك فحتى بلاد
أنا مع الهجرة ولكن بطريقة شرعية وبرصيد معرفي محترم
دبا العالم ولا سريع ومادي وكتشوف بعينك في أوربا السيارات الفاخرة والشركات الكبرى ومحلات الأكل السريعة واللباس والموضة وآخر مكين في الماركات العالمية ولكن رمعندك الحق فحتى 1درهم في هذشي كامل محكوم علك باش تشوف ومتقيسش بحكم معندك حتى شهادة أو حرفة تخشيك وسط بنادم وغتحس براسك منبوذ بحل شي حشرة و
غتشوف أفارقة من دول جنوب الصحراء لكنتي حاكرهم وكضرب بيهم المثل في الفقر والجهل واخدين مناصب فشركات ومزوجين تما عندهم الأولاد والمنزل والسيارة وبكل بساطة حيث قراو فبلادهم وكونو ريوسهم وسط الفقر والجهل عاد فكرو في الهجرة أما أنت أخي المروكي بقيتي كتسنى فآخر طراك ديال حليوة وإمينيم كلاشا فلان والفيديوهات ديال كشكش والطرولات الرجاء والوداد وعلاش الكار مجاش من فاس وديك الهضرة الزنقاوية شوف شحال ديال التفاهة مشارجي بيها عقلك حتى كتولي معمر راسك بشي مشاكل نتى فغنى عنها وكيولي بان لك غير لحريك .. هانتا هاجرتي ووصلتي أش غدير تما إلى معندك حتى ديبلوم أو حرفة تعيش بيها وخاصة غادي بلا وراق أشمن شركة أتخدمك ! نعم الرزاق الله ولكن رخص دير بالأسباب ماشي غير غادي مدرم
هذ الوقت لكضيع طالع نازل كتقرا على الطرولات والحريك سير قرا لك شي حاجة وخى غي اللغة الإنجليزية باش تلا مشيتي لشي قنت تلقى شي حاجة تعاون بيها راسك، رغي باش تخدم نادل خاصك اللغة الام والإنجليزية .
لا تعليقات في " كولشي باغي يهاجر ولكن... "