شريط الاخبار

قائمة

ها كيفاش كانت كادوز العطلة عند الجيل الذهبي


الصرااحة إﻻ ﺟﻴﻨﺎ ﻧﺸﻮﻓﻮ ﻣﺎﺑﻘﺎﺗﺶ ﺷﻲ ﺣﺎﺟﺔ ﺳﻤﻴْﺘﻬــﺎ 
" ﺍﻟﻌﻄﻠــﺔ " ﻫﺎﺩﺍﻛﺸﻲ ﻛﺎﻥ ﻣﻦ ﻛﻨّﺎ ﺣﻨﺎﻳﺎ ﺑﺰﺍﻗﻴﻞ ﺻﻐﺎﺭ، ﻛﻨﺘﻲ ﺗﻔﻴﻖ ﺑﻜﺮﻱ ﻓﺎﻟﺼﺒﺎﺡ ﺗﺸﻌﻞ ﺍﻟﺘﻠﻔﺎﺯﺓ ﺗﻔﺮّﺝ ﻓﺎﻟﺮّﻭﺳﻮﻡ ﺍﻟﻤﺘﺤﺮﻛﺔ . ﺗﺒﻘﺎ ﻣﻘﺎﺑﻠﻬﻢ ﺣﺘﻰ ﻳﻮﺻﻞ ﻭﻗﺖ ﺍﻟﻐﺪﺍ، ﺗﺎﻛﻞ ﺟﻮﺝ ﺩﻏﻤﺎﺕ ﻭﺗﺨﺮﺝ ﻟﻠﺰﻧﻘﺔ ﺗﺠﺮﻱ ﻭﺗﻠﻌﺐ ﻣﻊ ﻭﻻﺩ ﺍﻟﺤﻮﻣﺔ ﺷﻲ ﺃﻟﻌﺎﺏ ﻭﺍﻗﻴﻼ ﻣﺎﺑﻘﺎﻭﺵ ﻓﻬﺎﺩ ﺍﻟﺰﻣﺎﻥ ﺑﺤﺎﻝ ﺩﻳﻨﻴﻔﺮﻱ، ﺍﻟﺒِﻲْ، ﺍﻟﻄﺮﻭﻣﺒﻴﺔ، ﺣﺎﺑَﺔ ... ﺇﻟﺦ، ﻣﻦ ﺑﻌﺪ ﻳﻜﻮﻥ ﺧﺘﺎﻡ ﺍﻟﻌﺸﻴﺔ ﻣﺴﻚ ﻭﺗﻠﻌﺒﻮ ﺷﻲ ﻣﺎﺗﺶ ﺩﻳﺎﻝ ﺍﻟﻜﻮﺭﺓ ﻋﻠﻰ ﺩﺭﻫﻢ ﻭﻻ ﺟﻮﺝ ﺩﺭﺍﻫﻢ ﺍﻟﻄﺎﻳﺢ ﻛﺜﺮ ﻣﻦ ﺍﻟﻨﺎﻳﺾ ﺗﺒﻘﺎﻭ ﺗﻠﻌﺒﻮ ﺣﺘﻰ ﺗﻐﺮﺏ ﺍﻟﺸﻤﺲ ﻭﺍﻟﻨﺘﻴﺠﺔ 40-40 ﻭﺍﻟﻔﻠﻮﺱ ﻣﺎﻋﺮﺕ ﺷﻜﻮﻥ ﺧﺪﺍﻫﻢ، ﺷﻮﻳﺔ ﺗﻠﻘﺎﻭ ﺭﺍﺳﻜﻢ ﻛﺎﺗﻠﻌﺒﻮ ﻗﺎﺵ ﻗﺎﺵ ﻓﺎﻟﻈﻠﻤﺔ ﺑﺪﻭﻥ ﺷﻌﻮﺭ .. ﻛﺎﻳﺘﻔﺮﺗﻚ ﺍﻟﻤﺠﻤﻊ ﻭﻛﻞ ﻭﺍﺣﺪ ﻛﺎﻳﻤﺸﻲ ﻟﺪﺍﺭﻫﻢ ﻭﻧﺘﺎ ﻛﺎﺗﺮﺟﻊ ﻟﺪﺍﺭﻛﻢ ﺗﺎﻛﻞ ﺳﻠﺨﺔ ﺩﻳﺎﻝ ﺍﻟﻌﺼﻰ ﻭﺗﻐﺴﻞ ﺭﺟﻠﻴﻚ ﻭﺗﻤﺸﻲ ﺗﺎﻛﻞ ﻣﺎ ﻗﺴّﻢ ﺍﻟﻠﻪ، ﻛﺎﺗﺒﻘﺎ ﻋﺎﻭﺗﺎﻧﻲ ﺗﻔﺮّﺝ ﻓﺎﻟﺘﻠﻔﺎﺯﺓ ﺣﺘﻰ ﻳﺪّﻳﻚ ﺍﻟﻨﻌﺎﺱ، ﻛﺎﺗﻌﻨﺲ ﻭﻓﺎﻟﺼﺒﺎﺡ ﻛﺎﺗﻔﻴﻖ ﻛﺎﺗﻠﻘﺎ ﺭﺍﺳﻚ ﻓﺒﻼﺻﻚ ﻭﻋﺎﻭﺗﺎﻧﻲ ﻛﺎﺗﺘﻌﺎﻭﺩ ﻧﻔﺲ ﺍﻟﻜﺎﺳﻴﻄﺔ ﻓﺎﻟﻨﻬﺎﺭ ﺍﻟﺘﺎﻧﻲ ... ﺣﺘﻰ ﻛﺎﻳﻮﺻﻞ ﺁﺧﺮ ﻳﻮﻡ ﻓﺎﻟﻌﻄﻠﺔ، ﻛﺎﺩﻭّْﺯ ﺩﺍﻙ ﺍﻟﻨﻬﺎﺭ ﺛﻘﻴﻴﻴﻴﻴﻴﻞ ﻭﻗﻠﺒﻚ ﻣﺰﻳّْﺮ ﻭﻛﺎﺗﻔﻜّﺮ ﻓﺎﻟﺨﻨﺸﺔ ﺩﻳﺎﻝ ﺗﻤﺎﺭﻳﻦ ﻟﻲ ﻣﺎﺯﺍﻝ ﻣﺎﺩﺭﺗﻲ ﻓﻴﻬﻢ ﻭﺍﻟﻮ، ﻛﺎﺗﺒﻘﺎ ﻧﻬﺎﺭ ﻛﺎﻣﻞ ﻭﻧﺘﺎ ﺗﻠﻌﺐ ﻭ ﺍﻟﺘﺮﺍﺏ ﻭﺍﻟﻮﺳﺦ ﻭ ﺣﺎﻟﺘﻚ ﺣﺎﻟﺔ ﻭﻣﻊ ﺍﻟﻠِّﻴﻞ ﺗﺪﺧﻞ ﻟﻠﺪﺍﺭ ﺟﺮﻱ ﻭﺭﺍﻳﺎ ﻧﺠﺮﻱ ﻭﺭﺍﻙ ﺗﺎﻛﻞ ﺷﻲ ﺑﺮﻛﺔ ﺑﺎﻟﺰﺭﺑﺔ ﻭ ﺗﺪﺧﻞ ﺗﺪﻭّْﺵ ﻭﺗﻌﻴﻂ ﻟﻠﻮﺍﻟﻴﺪﺓ ﺗﺤﻚ ﻟﻴﻚ ﺳﺎﻋﺔ ﺗﺼﺪﻕ ﻧﺎﺩﻡ ﻋﻼﺵ ﻋﻴﻄﺘﻲ ﻟﻴﻬﺎ ﻫﻬﻪ ﺗﺒﻘﺎ ﻋﻠﻴﻚ " ﺍﻟﺒﺮﻫﻮﺵ ﺍﻟﻌﻄﻠﺔ ﻛﺎﻣﻠﺔ ﻭﻧﺘﺎ ﺗﺠﺮﻱ ﺷﻮﻑ ﻛﻴﻒ ﻭﻟﻴﺘﻲ ﺑﺤﺎﻝ ﺍﻟﺠﺮﺗﻴﻠﺔ ﻋﻤﺮﻙ ﺣﻠﻴﺘﻲ ﺷﻲ ﻛﺘﺎﺏ ﻓﻬﺎﺩ ﺍﻟﻌﻄﻠﺔ ﻭﺗﺠﺒﺪ ﻣﻌﺎﻙ " ﺻﻼﺍﺍﺍﺍﺍﻱ " ﻫﺎ ﺍﻟﺘﺼﺮﻓﻴﻖ ﻫﺎ ﺍﻟﻘﺮﻳﺺ ﻫﺎ ﺍﻟﻨﺘﻴﻒ ﻭﺍﻟﺸﺘﻴﻒ ﻫﻬﻬﻬﻬﻬﻬﻬﻬﻪ، ﺗﺨﺮﺝ ﻣﻦ ﺍﻟﺪُّﻭﺵ ﺣﻤﺮ ﺑﺎﻟﻌﺼﻰ ﻭﻛﺎﺗﺸﻮﻑ ﺭﺍﺳﻚ ﻭﻟﻴﺘﻲ ﺟﺪﻳﺪ ﻫﻬﻬﻬﻪ، ﻛﺎﺗﻤﺸﻲ ﺗﻘﻠﺐ ﻋﻠﻰ ﻭﺍﺣﺪ ﺍﻟﻤﺤﻔﻈﺔ ﻓﻴﻦ ﺗﺎﻟﻔﺔ ﻛﺎﺗﺒﻘﺎ ﺳﺎﻋﺔ ﻭﻧﺘﺎ ﺗﻘﻠﺐ ﻋﻠﻴﻬﺎ ﻛﺎﺗﻠﻘﺎﻫﺎ ﺗﺠﻲ ﺗﺸﻮﻑ ﻋﺎﻭﺗﺎﻧﻲ ﻣﺎﺗﻠﻘﺎﺵ ﺍﻟﻤﻘﻠﻤﺔ، ﻋﺎﻭﺗﺎﻧﻲ ﺳﺎﻋﺔ ﻭﻧﺘﺎ ﺗﻘﻠﺐ ﻋﻠﻴﻬﺎ ﻣﻦ ﺗﻠﻘﺎﻫﺎ ﻣﺎﺗﻠﻘﺎﺵ ﺍﻟﺴﺘﻴﻼﻭﺍﺕ، ﻓﻴﻦ ﻣﺸﺎ ﺍﻟﺴﺘﻴﻠﻮ ﻟﺤﻤﺮ ﻓﻴﻦ ﻣﺸﺎ ﺍﻟﺴﺘﻴﻠﻮ ﻟﺰﺭﻕ ، ﻗﻠﻢ ﺍﻟﺮﺻﺎﺹ ﻃﺎﺭ ﻭ ﺍﻟﻤﺴﻄﺮﺓ ﻣﻬﺮﺳﺔ، ﻛﺎﺗﻤﺸﻲ ﻟﻠﻤﻘﻠﻤﺔ ﺩﻳﺎﻝ ﺧﻮﻙ ﺗﺎﺧﺪ ﻟﻴﻪ ﺍﻟﺴﺘﻴﻼﻭﺍﺕ ﺩﻳﺎﻟﻮ ﻭﺍﻟﻤﺴﻄﺮﺓ ﻛﺬﻟﻚ، ﻭﺗﺤﻂ ﻟﻴﻪ ﺍﻟﻤﺴﻄﺮﺓ ﺍﻟﻤﻬﺮﺳﺔ ﻓﺎﻟﻤﻘﻠﻤﺔ ﻫﻬﻬﻬﻬﻬﻬﻬﻬﻪ، ﻋﺎﺍﺍﺩ ﺗﺒﺪﺍ ﺗﺨﺪﻡ ﺍﻟﺘﻤﺎﺭﻳﻦ، ﺗﺒﻘﺎ ﺗﺸﻮﻑ ﺑﻌﻴﻨﻴﻚ ﻣﺎﺗﻔﻬﻢ ﻭﺍﻟﻮ، ﺗﻬﺰ ﺩﻓﺘﺎﺭﻙ ﻭﺗﺨﺮﺝ ﺗﻤﺸﻲ ﻋﻨﺪ ﺷﻲ ﻭﻟﺪ ﺟﻴﺮﺍﻧﻜﻢ ﻛﺒﻴﺮ ﻭﻻ ﺷﻲ ﺑﻨﺖ ﺟﻴﺮﺍﻧﻜﻢ ﺑﺎﺵ ﻳﺨﺪﻣﻮ ﻣﻌﺎﻙ ﺍﻟﺘﻤﺎﺭﻳﻦ، ﻛﺎﺗﺮﺟﻊ ﻟﻠﺪﺍﺭ ﺗﺎﻛﻞ ﺳﻠﺨﺔ ﺍﺧﺮﻯ ﺩﻳﺎﻝ ﺍﻟﻌﺼﻰ ﻛﺎﺗﺘﻌﺸّﻰ ﻭﺗﻤﺸﻲ ﻟﺒﻼﺻﺘﻚ ﺑﺎﺵ ﺗﻨﻌﺲ، ﺳﺎﻋﺔ ﻭﺍﻟﻮ ﻣﺎﻳﺠﻴﻜﺶ ﺍﻟﻨﻌﺎﺱ ﻭﺗﺒﻘﺎ ﺣﺎﻝ ﻋﻴﻨﻴﻚ...

شارك :

لا تعليقات في " ها كيفاش كانت كادوز العطلة عند الجيل الذهبي "

  • لمشاهدة الإبتسامات اضغط على مشاهدة الإبتسامات
  • لإضافة كود معين ضع الكود بين الوسمين [pre]code here[/pre]
  • لإضافة صورة ضع الرابط بين الوسمين [img]IMAGE-URL-HERE[/img]
  • لإضافة فيديو يوتيوب فقط قم بلصق رابط الفيديو مثل http://www.youtube.com/watch?v=0x_gnfpL3RM