شريط الاخبار

قائمة

إيه اليام....


إيه أليام لاكارط كدير 270 درهم والتلفون عظم 3000 درهم .

كانت التبعئة كاين غير ديال 50 درهم كدوز بيها 6 شهور ، و ماتهضرش بيها حيت كانت الدقيقة ساوية شي 8 دراهم، كتمشي ليك غير فا "bip" على بنادم,

كتشارجي جوج مرات فالعام ، من 6 شهور ل6 شهور غير حيت اتصالات كتقولك راه نهار كدا فالشهر كدا غتحرگ ليك لاكارط لا ماشارجيتيش.

كتقيد داك التاريخ و كتعقل عليه تبقا يوماين تمشي تجري تسلف 50 درهم وتشارجي تعتق راسك .

لابغيتي تعيط وتهضر كتمشي للتيلبوتيك ، تاترفحت اتصالات عاد درات ميساجات فابور من 00h ل 7h كل اربعاء 🙂

لا توحشتي شي حد كتصوني عليها و تقطع : زعما "سلام صافا اش خبارك توحشتك "

وهو تيرد عليك ب"bip" زعما "الحمدلله يسولك فيك الخير تا انا توحشتك ".

لا توحشتو بعضياتكم بزاف ماكتساليوش من ببب

خصوصا بالليل مخشي فالمانطة و ارا حالك تصوني ، تتركب شي نمرة غير عل الله تتمنى تشد معاه الستون تتصوني تيطلع زهرك عوج مع شي عقروشة تتسمع ديك الجملة مالك مبرزطنا هاد نمرة غدا غادي نحيدها ليك غير ترحم عليها .ناري اش داني نبيبي تتبقا ليل تفكر ناري نمرة غادي تمشي ههه .

الباتري كثر من سيمانة تال جوج تا ماكتبقاش عاقل على فين حطيتي الشارجور آخر مرة ،و الصونيط مونوفوني حرفي كيدير ليك الشقيقة . ولا صونا ليك التلفون وسط الناس نتا هو القايد ،كتولي بحال رجل اعمال موهيم و كلشي كيبقا يشوف فيك و يحسدك وكتنفح تانتا...

فراس العام و الاعياد كدور على النوامر كاملين لي عندك بيپ...بيپ لمومن زعما عواشرك مبروكة و هما كيردو عليك پيب "الله يبارك فيك " .

اكبر جريمة تقدر دير فحياتك هي واحد بغا يبيپي عليك و تبرك على اوك و دوز المكالمة غتكون آخر حركة درتي فحياتك، ممكن يشد المركوب و تلقاه قدامك... العرف يقول خليه تا يصوني 3 دالمرت متابعين عاد حل الخط من غيرها جنيت على نفسك .


شارك :

لا تعليقات في " إيه اليام.... "

  • لمشاهدة الإبتسامات اضغط على مشاهدة الإبتسامات
  • لإضافة كود معين ضع الكود بين الوسمين [pre]code here[/pre]
  • لإضافة صورة ضع الرابط بين الوسمين [img]IMAGE-URL-HERE[/img]
  • لإضافة فيديو يوتيوب فقط قم بلصق رابط الفيديو مثل http://www.youtube.com/watch?v=0x_gnfpL3RM