بقى في دارك
غير باش نكونو واضحين يا اخي المواطن الدولة خاسرة فلوس صحاح غير باش توعيك ضحات بالاقتصاد دالبلاد وحاليا تاضحي برجال الامن العسكر القوات المساعدة الدرك الملكي صحفيين اعلامييين وقاية المدنية رجال النظافة اطباء قادة ممرضين وكاين اطر وموظفين عمرك شفتيهم خرجاتهم للساحة على قبلك باش ماتخسركش نتا اه انت والمشكيلة انك يا اخي مامسوقش ومحاسش بهاد ناس هاد ناس لي كل مرة يسقط فيهم شخص بالمرض على قبل راحتك انت هاد ناس لي مخلين ولادهم وعائلاتهم وامتاتلو للاوامر باش يحميوك انت وخاصك تفهم حاجة اخرى يا اخي المواطن ان كل فرد فهاد الاشخاص لي ذكرت صارفة عليه دولة فلوس صحاح ومع ذالك خرجاتو وضحات بيه باش يحميك انت اه انت وللاسف اول مرة تايبرهن لبعض فيكم انو مايستاهلش والله مايستاحقش هاد التضحيات كاملة حيت اخويا وبكل صراحة باش يموت على قبلك طبيب او جندي شرطي قائد وزيد وزيد وانت مامقدرش وفالاخير مغانستافدو منك والو هنا غانقولك بلي راك ماتستاحقش الا هاد ناس قدمو ارواحهم لك وانت اش قدمتي ليهم الاهمال الفوضى وماتنساش ان الدولة فرضات على هاد ناس باش يتبرعو لك من صالير ديالهم يعني اقتاطعات ليهم وعطاتك انت والمقابل فقط انك تجلس فدارك وجاتك هاد المهمة صعيبة وكاين لي حياتو كاملة وهو مقابل تلفازة وتالدابا عاد ولا بغا يخرج ويخدم ولا تايبانو ليه لمشاريع واسير اخويا الله يجعل ارواح ناس لي ماتت ولي غاتموت فرقبتك الى يوم البعت .
لا تعليقات في " بقى في دارك "