الدكيك: اهتمام سيدنا بالرياضة مخلينا عايشين طفرة والتهنئة ديالو لمنتخب الفوتسال تتويج كبر من كوب داراب
وجه الناخب الوطني هشام الدكيك مدرب المنتخب المغربي للفوتسال الشكر للملك محمد السادس على الاهتمام اللي كيعطيه لكرة القدم داخل القاعة، وعبر على الفرحة ديالو بالتهنئة الملكية للمنتخب المغربي بمناسبة التتويج للمرة الثالثة بكأس العرب.
وتحدث هشام الدكيك فكلمة بمناسبة الاستقبال اللي دارتو الجامعة الملكية المغربية لكرة القدم برئاسة فوزي لقجع للمنتخب المغربي للفوتسال وقال: “حنا سعداء مرة أخرى بالاستقبال ديال الجامعة الملكية المغربية لكرة القدم بمناسبة تتويجنا للمرة الثالثة على التوالي بكأس العرب، وهذه المرة دخلنا بثوب البطل والمنتخبات المنافسة كانت موجدة لنا مزيان واستعانت بأطر عندها خبرة دولية، ولكن اصطدمت بمنتخب مغربي قوي، ولسبب بسيط هو أنه كيتمرن وكيتدرب باستمرار فمركز محمد السادس لكرة القدم اللي دشنو سيدنا”.
وأكد الناخب الوطني: “الصراحة راه بالاهتمام ديال سيدنا بالرياضة بجميع أصنافها وبالرؤية المستقبلية ديالو مخلينا كنعيشو اليوم طفرة على جميع المستويات والتهنئة ديالو كانت تتويج آخر وأكبر من فوزنا بالكأس والصراحة حسينا بسعادة كبيرة وجينا محتافلين فالطريق كاملة بالتهنئة ديال سيدنا”.
لا تعليقات في " الدكيك: اهتمام سيدنا بالرياضة مخلينا عايشين طفرة والتهنئة ديالو لمنتخب الفوتسال تتويج كبر من كوب داراب "