الميلياردير الميريكاني جيف بيزوس: غادي نديو الملايين دالبشر باش يعيشو ف الفضاء وها كيفاش
قال جيف بيزوس، الملياردير الميريكاني مول شركة “أمازون Amazon العملاقة للتكنولوجيا، ورئيس شركة “بلو أورجين “Blue Origin لتكنولوجيا الفضاء، أن الهدف ديالو هو أنه ينقل الناس للفضاء وغادي يعيش تما تريليون ديال البشر.
وقال بيزوس لي كان ضيف على ليكس فريدمان Lex Fridman Podcast، أن تريليون ديال البشر غادي يعيشو مستقبلا ف الفضاء، وهو دابا خدام على مستعمرات ف الفضاء، كل مستعمرة غادي يعيش فيها مليون د البشر.
.ومن نهار خرج من الشركة ديالو “أمازون” وبيزوس مركز مزيان غير على الحلم ديالو لي خدام عليه ف الشركة الجديدة “بلو أورجين”.
وكشف بيزوس على أن الاستقالة ديالو من أمازون الهدف ديالها هو أنه يتفرغ كليا للشركة الجديدة حينت هو مهووس بالفضاء وباغي يحقق أحلامو.
لا تعليقات في " الميلياردير الميريكاني جيف بيزوس: غادي نديو الملايين دالبشر باش يعيشو ف الفضاء وها كيفاش "